శ్రీ గణేశ మంగళాష్టకం

గజాననాయ గాంగేయసహజాయ సదాత్మనే ।

గౌరీప్రియ తనూజాయ గణేశాయాస్తు మంగళం ॥ 1 ॥

నాగయజ్ఞోపవీతాయ నతవిఘ్నవినాశినే ।

నంద్యాది గణనాథాయ నాయకాయాస్తు మంగళం ॥ 2 ॥

ఇభవక్త్రాయ చేంద్రాది వందితాయ చిదాత్మనే ।

ఈశానప్రేమపాత్రాయ నాయకాయాస్తు మంగళం ॥ 3 ॥

సుముఖాయ సుశుండాగ్రాత్-క్షిప్తామృతఘటాయ చ ।

సురబృంద నిషేవ్యాయ చేష్టదాయాస్తు మంగళం ॥ 4 ॥

చతుర్భుజాయ చంద్రార్ధవిలసన్మస్తకాయ చ ।

చరణావనతానంతతారణాయాస్తు మంగళం ॥ 5 ॥

వక్రతుండాయ వటవే వన్యాయ వరదాయ చ ।

విరూపాక్ష సుతాయాస్తు విఘ్ననాశాయ మంగళం ॥ 6 ॥

ప్రమోదమోదరూపాయ సిద్ధివిఙ్ఞానరూపిణే ।

ప్రకృష్టా పాపనాశాయ ఫలదాయాస్తు మంగళం ॥ 7 ॥

మంగళం గణనాథాయ మంగళం హరసూననే ।

మంగళం విఘ్నరాజాయ విఘ్నహర్త్రేస్తు మంగళం ॥ 8 ॥

శ్లోకాష్టకమిదం పుణ్యం మంగళప్రద మాదరాత్ ।

పఠితవ్యం ప్రయత్నేన సర్వవిఘ్ననివృత్తయే ॥ 9 ॥

|| ఇతి శ్రీ గణేశ మంగళాష్టకం ||